కధలు నిజాన్ని చెప్పాలి . నిజమైన ప్రేమ అంటే
ఇదేరా అని చెప్పే కధలు రావాలి .
నిజమైన యుద్ధం అంటే ఇదేరా అని
చెప్పే కధలు రావాలి . నిజమైన దేశ భక్తి కధ అంటే ఇదేరా అని చెప్పే కధలు రావాలి .
ఇలా నిజమైన అనిపించే కధలు రావాలి అంటే ఆ
కధలో నిజం వుండాలి . వాస్తవిక పరిస్థులలో నిజంగా ఏం జరుగుతుందో అలానే కధలో
కూడా ఆ నిజాన్నే చూపించాలి . అంటే ఒక
అంశము అనగా ప్రేమ కాని , యుద్ధం కాని, మరేదైనా కాని , అది నిజమైతే మనిషి ఎలా
ప్రవర్తిస్థాడో ఆ ప్రవర్తనే నిజమైన కధ అవుతుంది .ఆ కధే నిజం చెపుతుంది . ఇలా నిజం
చెప్పిన కధలన్నీ సూపర్ హిట్ అయినవె .
ఉదాహరణకి ఇద్దరు ప్రేమికులు అనుకోని సందర్భంలో
వాళ్ళిద్దరూ విడిపోయినా ఆ అబ్బాయి మాత్రం వేరే అమ్మాయిని చూడకుండా
వున్నాడు .అయితే అమ్మాయికి మరొకరితో పెళ్లి అయి
అనుకోని సందర్బంలో తన భర్తతో
విడిపోయి అనాధలా జీవిస్తుంటే తిరిగి ఆ
ప్రేమికుడు ఆ అమ్మాయిని ఆదరించి తనకి ఒక
కొత్త జీవితం ఇస్తాడు . అంటే ఈ ప్రేమ కధలో
ప్రేమికుడు ఆ ప్రేమికురాలిని మరిచిపోలేకపోవడంతో తిరిగి ఆ అమ్మాయికి కొత్త జీవితాన్ని
ఇచ్చాడు . ఆ మరిచిపోలేకపోవడమే నిజమైన ప్రేమ .ఇలాంటి కధ చూసినపుడు ఇదిరా నిజమైన
ప్రేమ అని ప్రేక్షకుడికి అనిపిస్తుంది .
అదే విధంగా పౌరాణికం
కధలోకి వెళితే ఒక రాజ్యంలో సైన్యాధ్యక్షుడిగా పని చేసే వ్యక్తి ఇచ్చిన మాటకోసం
రాజాన్ని కాపాడటం కోసం కట్టుబడి ఉంటాడు . ఆ రాజ్యాన్ని కాపాడటం కోసం ఎన్ని కష్టాలు
పడటానికైనా సిద్దంగా ఉంటాడు . అనుకోకుండా ఒక రోజు ఒక యుద్ధం జరుగుతుంది రాజుని రాజ్యాన్ని కాపాడటం కోసం యుద్దంలో తన
నరాలు తెగిపడుతున్న లెక్క చేయక ఎదురు దాడి చేసే వందల మంది సైన్యాన్ని చంపి తన
రాజుని రాజ్యాన్ని కాపాడుతాడు ఆ సైన్యాధ్యక్షుడు . యుద్ధం అయిపోయిన తరువాత ప్రాణం
వదిలేస్తాడు . ఇలాంటి కధ చూసిన ప్రేక్షకునికి ఇదిరా నిజమైన యుద్ద కధ అంటే అని
అనిపిస్తుంది .
ఇలా ఒక అంశము నిజమైతే
నటులు ఎలా ప్రవర్తిస్థారో తెలిపే కధలే నిజాన్ని చెప్పే కధలు .
No comments:
Post a Comment